Turapima, tugasesengura, tugateganya

Impamvu yo gukora iteganyagihe ni ukwerekana imiterere y’ikirere y’ahantu runaka mu gihe runaka kugirango bifashe abantu mu igenamigambi.

Ikigo cy’Igihugu gishinzwe Ubumenyi bw’Ikirere gitanga iteganyagihe ry’ibihe bitandukanye:

1.  Iteganyagihe ry’uwo mwanya: Iteganyagihe ry’igihe gito gishoboka.

2.  Iteganyagihe ry’igihe kigufi: Iteganyagihe ryo kuva ku masaha 3 kugeza ku minsi 3.

3.  Iteganyagihe ry’Igihe kiringaniye: Iteganyagihe ryo kuva ku minsi 3 kugeza ku minsi 10

4.  Iteganyagihe ry’Ukwezi: Iteganyagihe ryo kuva ku munsi 1 kugeza ku minsi 30 

5.  Iteganyagihe ry’Igihembwe: Iteganyagihe ry’ibihe by’imvura n’izuba bimara amezi 3 cyangwa 4

Ibyiciro by’imvura igwa:

Ingano       Icyiciro

   <1mm       Utujojoba duke cyane

   <5mm       Imvura nke

   5-20mm      Imvura iringaniye

   20-50mm     Imvura nyinshi

   >50 mm      Imvura nyinshi y’amahindu

 Amwe mu magambo akunze gukoreshwa mu Iteganyagihe:

 Ibicu byiganje: Ni igihe ijuru ribuditse kuva kuri 60% kugeza 100% 

Ibicu biringaniye: Ni igihe ijuru rifite ibicu biringaniye kuva kuri 30% kugeza 60%

Ibicu bike: Ni igihe ijuru rifite ibicu bike kuva kuri 0% kugeza 30%